Job Summary

Dereva wa Basi la Mwendokasi (BRT) atawajibika kuendesha basi la mwendokasi kwa usalama, umakini na weledi, kwa kuzingatia ratiba, njia na vituo vilivyopangwa. Pia atahakikisha usalama wa abiria, kufanya ukaguzi wa basi, kuzingatia sheria za barabarani na taratibu za BRT, pamoja na kutoa huduma bora kwa abiria.

Qualifications

Muombaji mwenye Elimu ya Msingi, Kidato cha Nne (IV) NA Kidato cha Sita (VI), awe na Leseni ya Udereva Daraja C Plain iliyohakikiwa na Jeshi la Polisi, Cheti cha PSV kutoka VETA au NIT, Cheti cha BRT kutoka NIT na awe na uzoefu wa kazi wa angalau miaka 3 katika udereva wa magari ya abiria au mabasi.

Duties & Responsibilities

Ø  Kuendesha basi la mwendokasi kwa usalama, umakini na kuzingatia ratiba na vituo vilivyopangwa.

Ø  Kuhakikisha usalama wa abiria, watumiaji wengine wa barabara na mali wakati wote wa safari.

Ø  Kufanya ukaguzi wa basi kabla na baada ya safari ili kuhakikisha liko katika hali nzuri na salama kwa matumizi.

Ø  Kuripoti mara moja hitilafu za kiufundi, ajali, matukio au changamoto nyingine zinazojitokeza wakati wa safari kwa msimamizi husika.

Ø  Kuhakikisha basi linatunzwa, linakuwa safi na katika hali nzuri wakati wote wa matumizi.

Ø  Kuzingatia sheria na kanuni za usalama barabarani, taratibu za BRT na miongozo ya kampuni.

Ø  Kutoa huduma bora kwa abiria kwa heshima, staha na weledi.

Ø  Kufuatilia muda wa mwisho wa uhalali wa nyaraka za dereva kutoa taarifa kwa wakati kabla ya nyaraka hizo kuisha muda wake.

Ø  Kuhifadhi na kuwasilisha kwa usahihi taarifa za safari, matumizi ya nishati ya gesi na taarifa nyingine muhimu za uendeshaji wa basi.

Ø  Kutoa msaada na kufuata taratibu za usalama wakati wa dharura, ajali au matukio mengine yasiyotarajiwa.

Ø  Kuwa makini zaidi katika maeneo yenye vivuko vya waenda kwa miguu (zebra), vituo vya BRT na maeneo yenye mkusanyiko mkubwa wa watu.

Ø  Kushirikiana na wasimamizi, waendeshaji wenzake na wafanyakazi wengine ili kuhakikisha huduma ya usafiri inatolewa kwa ufanisi na kwa usalama.

Salary Grade

GRADE 4